டாக்டர் டிஎன் சாலையில் உள்ள பழமையான காதி எம்போரியம் சில சிக்கல்களை சந்திக்கும் சூழ்நிலை தற்போது ஏற்பட்டுள்ளது. காதி அல்லாத பொருட்களை விற்பனை செய்த காரணத்தால் காதி மற்றும் கிராமத் தொழில்கள் ஆணையத்தால் (KVIC) நடவடிக்கை எடுக்கப்பட்டு விற்பனை தடை செய்யப்பட்டுள்ளது. வழக்கமான ஆய்வின் போது, KVIC அதிகாரிகள் எம்போரியத்தில் இருந்து காதி அல்லாத பொருட்களை சேகரித்தனர்.
மத்திய குறு, சிறு மற்றும் நடுத்தர தொழில்துறை அமைச்சகத்தின் கீழ் உள்ள ஆணையம், சமீபத்திய ஆண்டுகளில் போலி அல்லது காதி அல்லாத பொருட்களின் விற்பனைக்கு எதிராக “பூஜ்ஜிய சகிப்புத்தன்மை” கொள்கையை ஏற்றுக்கொண்டது மற்றும் “பழமையான காதி நிறுவனத்திற்கு” எதிராக நடவடிக்கை எடுத்துள்ளதாக அதிகாரப்பூர்வ அறிக்கை கூறியது.
கமிஷன் வழங்கிய “காதி சான்றிதழ்” மற்றும் “காதி மார்க் சான்றிதழ்” ஆகியவற்றின் விதிமுறைகளை மீறியதற்காக, எம்போரியத்தை நடத்தி வரும் மும்பை காதி மற்றும் கிராமத் தொழில்கள் சங்கத்திற்கு KVIC சட்டப்பூர்வ நோட்டீஸ் அனுப்பியதாக அந்த அறிக்கையில் கூறப்பட்டுள்ளது.
அந்த அறிக்கையில் கூறப்பட்டுள்ளதாவது “பதிவு ரத்து செய்யப்படுவதால், காதி எம்போரியம் உண்மையான காதி விற்பனை நிலையமாக இல்லாமல் போய்விடும். மேலும் எம்போரியத்தில் இருந்து காதி பொருட்களை விற்க அனுமதிக்கப்படாது.”
ஃபேபிண்டியா-க்கு விதிக்கப்பட்ட நஷ்ட ஈடு
இது மட்டுமல்லாது KVIC இதுவரை 1200 க்கும் மேற்பட்ட நிறுவனங்களுக்கு சட்டப்பூர்வ நோட்டீஸ் அனுப்பியுள்ளது, இதில் ஐபிஓ-விற்கு உட்பட்ட சில்லறை வர்த்தக பிராண்டான ஃபேபிண்டியாவிடம் இருந்து “காதி” என்ற பிராண்ட் பெயரை தவறாகப் பயன்படுத்தியதற்காகவும் காதி அல்லாத பொருட்களை விற்பனை செய்ததற்காகவும் ரூ.500 கோடி நஷ்டஈடு கோரப்பட்டுள்ளது. காதியின் பெயர், பம்பாய் உயர்நீதிமன்றத்தில் சவால் செய்யப்பட்டுள்ளது என்று அந்த அறிக்கையில் கூறப்பட்டுள்ளது.
ஆன்லைன் போர்டல்களால் விற்பனை செய்யப்பட்ட காதி அல்லாத பொருட்களுக்கு தடை மற்றும் விதிமீறல் நோட்டீஸ்
கடந்த ஆண்டில் KVIC ஆனது ஆன்லைன் ஷாப்பிங் போர்ட்டல்களான Amazon, Flipkart மற்றும் Snapdeal ஆகியவை காதி அல்லாத பொருட்களை “காதி” என்று விற்பனை செய்யும் 140 இணைய இணைப்புகளை அகற்றும்படி கட்டாயப்படுத்தியது. விதிமுறை மீறல் மேற்கொண்டு பலர் இதற்காக மன்னிப்பு கோரினர் மற்றும் எதிர்காலத்தில் “காதி” என்ற பிராண்ட் பெயரைப் பயன்படுத்துவதில்லை என்றும் உறுதியளித்தனர் என்று தெரிகிறது.
